Bayramingiz muborak bo’lsin, muhtarama Onaxonlar!

Bugun Amerikada va bir qator mamlakatlarda “Onalar kuni” nishonlanmoqda. Tahririyatimiz barcha onaxonlarni shu qutlug’ bayram bilan chin ko’ngildan qutlab ularning barcha ezgu niyatlarini amalga oshishiga tilakdoshdir. Quyida Vatandosh gazetasining  o’quvchisi,  yosh shoira Yoqutxonning onaxonlarga bag’ishlab yozgan she’rini chop etyapmiz.

 

ONAM.

Men nima topibman,dunyoga kelib?
Sizdan-da sevimli,sizdan-da aziz.
Ko’z-ko’z qilmoqlikka,maqtashga arzir,
Savlatim ham sizsiz,davlatim ham siz!

Oftobim onama,oyim onama,
Nomusim onama,orim onama!

Bedor o’tqazgan har tuningiz haqqi,
Meni deb kuyingan kuningiz haqqi.
Oylaringiz haqqi,yilingiz haqqi,
Sizga fido bo’lsin,jonim onama!

Oftobim onama,oyim onama,
Dardlarim oqizar,soyim onama!

Sizdan boshqa xarkim aldagani rost,
Alam quzg’un bo’lib talagani rost.
Yer bosib yuribman,osmonni ko’rib,
Sizni duoingiz asragani rost!

Kuni kecha bilib-bilmay ranjitib qo’ydim.
Bugun ich-ichimdan afsuslansam kam!
Negadir,negadir uzrlarga tilim bormadi.
Ertaga,ertaga ruhim tilga kirganda qanday javob beraman?

Onamsan! Onamsan! Qalbimni mehringga to’ldir,
Garib farzandingga shuldir inoyat!
O,munosib kuyching bo’lish mushkildir.
Seni kuylamaslik esa jinoyat!!!

Muallif: Yoqutxon.