Европа дорилар агентлиги Россиянинг “Спутник V” вакцинасини рўйхатдан ўтказиш бўйича синовларни бошлади

Европа дорилар агентлиги Россиянинг “Спутник V” вакцинасини коронавирусга қарши рўйхатдан ўтказиш масаласи билан боғлиқ зарур текширувларни ўтказишни бошлади.

Агентлик вакцинани Европа Иттифоқи стандартларига мувофиқ самарадорлиги, хавфсизлиги ва сифати бўйича синовдан ўтказади.

Россия тўғридан-тўғри инвестиция жамғармаси (РДИФ) пайшанба куни Европа Дори воситалари агентлиги (ЭМА) “Спутник V” вакцинасини рўйхатдан ўтказиш масаласи билан боғлиқ текширув жараёнларини бошлаганлигини маълум қилди.

Россия тўғридан-тўғри инвестиция жамғармаси раҳбари Кирилл Дмитриевнинг сўзларига кўра, Россиянинг вакцинасининг Европа агентлиги томонидан рўйхатдан ўтказилиши келаси июнь ойидан бошлаб Европа Иттифоқининг 50 миллион аҳолисини эмлаш мумкин бўлади.

Коронавирусга қарши эмлашни таъминлаш бўйича ҳамкорликка ҳар қандай сиёсий нуқтаи назар таъсир кўрсатмаслиги кераклигини айтган Дмитриев, Европа тиббиёт агентлиги билан шериклик ва ҳамкорлик, саъй-ҳаракатларни бирлаштирибгина эпидемия устидан ғалаба қозониш мумкинлигини таъкидлади.