Ъ

Ўзбекистон Республикаси Президенти Ислом Каримов 2015 йил 9-10 июль кунлари Шанхай ҳамкорлик ташкилотига аъзо мамлакатлар Давлат раҳбарлари кенгашининг Уфа (Россия) шаҳрида бўладиган навбатдаги мажлисида иштирок этади. Бу ҳақида Президент матбуот хизмати маълум қилди.

Хабар қилинишича, Ислом Каримов 9 июль куни Шанхай ҳамкорлик ташкилотига аъзо мамлакатлар Давлат раҳбарлари кенгашининг навбатдаги мажлисида иштирок этиш учун Россия Федерациясининг Уфа шаҳрига жўнаб кетди.

9 июль куни Уфа шаҳрида ШҲТ ва БРИКС давлатлари раҳбарларининг учрашуви бўлиб ўтади. Учрашувда Ўзбекистон Республикаси Президенти Ислом Каримов иштирок этади.

Шанхай ҳамкорлик ташкилоти саммитининг асосий воқеалари 10 июлда бўлиб ўтади. Саммит доирасида Ўзбекистон Республикаси Президентининг қатор икки томонлама учрашувлари ҳам режалаштирилган.

Эслатиб ўтамиз, ШҲТнинг Уфа саммитидан сўнг ШҲТга раислик Ўзбекистонга ўтади.