Ўзбекистонда олий ўқув юртига ҳужжатларни электрон тарзда қабул қилиш синов тариқасида йўлга қўйилди

Абитуриентлар Тошкент ахборот технологиялари университети бакалавриатига ҳужжатларни электрон шаклда топширишлари мумкин бўлди. Ушбу хизмат Ягона интерактив давлат хизматлари порталида тест режимида ишга туширилди. Хизматдан фойдаланиш учун Ягона интерактив давлат хизматлари  порталидан рўйхатдан ўтиш ва махсус электрон рақамли рўйхатни қўлга киритиш лозим бўлади.

Ҳужжат топшириш учун паспорт, аттестат ёки диплом ва 3,5х4,5 фотосуратнинг электрон нусхалари лозим бўлади. Ҳужжатларнинг қабул қилингани ҳақидаги маълумот фойдаланувчининг порталдаги шахсий хонасига ёки электрон почтасига 10 кун ичида юборилади.  Лойиҳа муваффақият билан синовдан ўтказилганидан сўнг бундай тизим Ўзбекистондаги барча олий ўқув юртларида жорий этилиши режалаштирилмоқда.